• २०७५-८-२६ , बुधबार/ Wednesday 12-12-18
  • 01:12:44

नेपाली फिल्मकाे हिसाब खुल्ला

१ श्रावण,काठमाडाैं 

मंगलबारदेखि काठमाडौं उपत्यकाका फिल्म हलमा बक्स अफिस सिस्टम लागू हुने भएको छ । तत्काल उपत्यकाका २० हलमा लागू हुनेछ । योसँगै हलवाला र वितरक मिलेर हिसाब गोलमाल गरे भन्ने निर्माताको गुनासो अन्त्य हुने विश्वास गरिएको छ ।  यस्तै, केही लाखको आम्दानी गरेको फिल्मले समेत करोडौंको व्यापार गरेको प्रचार गर्ने प्रवृत्तिको पनि अन्त्य हुने बताईएको छ । बक्स अफिससँगै पहिलो पटक नेपाली फिल्म व्यवस्थित रूपमा राज्यको कर प्रणालीमा पनि जोडिने छ । यो नयाँ व्यवस्थापछि प्रत्येक हलका सबै प्रदर्शनको दर्शक संख्या, बिक्री भएको टिकट र जम्मा भएको रकमको सूचना बक्स अफिस सेन्टरमा जम्मा हुनेछ । निर्माताले एकै पटक आफ्नो फिल्मले कमाएको हरहिसाब छर्लङ्ग हेर्न पाउँनेछन् । काठमाडौं उपत्यकाभित्रका सिंगल स्क्रिन र मल्टिप्लेक्स गरी झन्डै पाँच दर्जन थिएटर छन् । उनीहरुले गर्ने टिकट बिक्रीलाई सरकारले बक्स अफिस प्रणालीमार्फत अब करको दायरामा कसेको छ । चलचित्र विकास बोर्डले बक्स अफिस प्रणाली जडानका लागि ब्रेन डिजिट आईटी सोलुसनलाई जिम्मा दिएको छ ।  बोर्डले गएको वैशाखमै बक्स अफिस लागू गर्ने सम्बन्धि निर्णय गरेको थियो भने परीक्षणको आह्वान समेत वैशाखमै गरेको थियो । परीक्षणपछि बल्ल बक्स अफिस व्यवहारमा आउन लागेको हो ।  चलचित्र विकास बोर्डका सदस्य नरेन्द्र महर्जनले, ‘कतिपय मल्टिप्लेक्समा पहिल्यैदेखि आन्तरिक रूपमा बक्स अफिस थियो । अब ती सफ्टवेयरका कोड पनि एकद्वार अर्थात् मूल प्रणालीमै जोडिनेछ । सिंगल स्क्रिन थिएटरमा बोर्ड आफैंले सफ्टवेयर जडान गरिदिएको छ’ भनेका छन् । अब देखि फिल्मले गरेको साँचो व्यापार थाहा हुनेछ । (हाम्रा कुरा बाट )

प्रतिकृया दिनुहोस

अमित बराललाई नवलपरासीमा भब्य सम्मान गरिने

नारायण भण्डारी नवलपरासी मंसिर २६ नेपाल आईडल सिजन टु का उत्कृष्ट पांच प्रतिस्पर्धी बनेका अमित बराललाई आज नवलपरासीमा भब्य सम्मान गरिने भएको छ । अमित

धोकेबाज प्रेमिकाको सम्झनामा रोए कृष्ण

  नारायण भण्डारी नवलपरासी मंसिर २४ बैदेशिक रोजगारको शिलसिलामा दक्षिण कोरिया गएका गुल्मी अस्लेवाका कृष्ण पाण्डे क्षेत्री  प्रमिकाले धोका

अमितको सफलतामा नवलपरासीमा खुसियाली

नारायण भण्डारी नवलपरासी मंसिर १२ नेपाल आईडलको उत्कृष्ट ६ मा अमित बरालले आफ्नो स्थान सुरक्षित गरेपछि अहिले नवलपरासीबासीमा खुसीयाली छाएको छ । अमितले