• २०७५-१०-६ , आइतबार/ Sunday 01-20-19
  • 07:01:18

एप्पलको अफिसमा किन हुँदैछन् कर्मचारी घाइते ?

अमेरिकी कम्पनी एप्पलको क्यालिफोर्नियामा बनेको स्पेसशीप स्टाइलको आलिशान कार्यालय भवन एप्पल पार्कमा कर्मचारीहरु घाइते बन्ने क्रम बढेको छ । भवनमा सिसाका भित्ता तथा ढोकाहरु ठोक्किएर कर्मचारीहरु दिनहुँ घाइते बन्ने गरेको बताइएको छ ।  अरबौँको लागतमा बनेको एप्पलको हाइटेक तथा भव्य कार्यालय भवन आफ्नै कर्मचारीहरुका लागि खतरनाक बन्ने देखिएको छ ।  काँचले बनेको यो भवनमा कामको सिलसिलामा यताउति हिँड्दा कर्मचारीहरु अल्मलिन्छन् । टल्किने काँचका कारण ढोका बन्द हो की खुल्ला नै हो भन्ने भेउ पाउन गाह्रो हुन्छ र कर्मचारीहरु ढोकाबाट बाहिर निस्कन खोज्दा बेस्सरी काँचको ढोकामा ठोक्किन्छन् । त्यस्तै पारदर्शी भित्ताका कारण पनि झुक्किएर कर्मचारीहरु ठोक्किने गरेका छन् । अहिलेसम्म केही कर्मचारीहरु घाइते बनेका र ३ जना त गम्भीर अवस्थामा इमर्जेन्सीमै लगेर उपचार गर्नुपरेको बताइएको छ ।

सिसाका ढोका तथा भित्तामा ठोक्किएर कर्मचारीहरु नै घाइते हुन थालेपछि अहिले भवनका ढोका तथा आउजाउ गरिने ठाउँम्ाा पर्ने पारदर्शी भित्ताहरुमा पहेँलो स्टिकर टाँस्न थालिएको छ । चारतले एप्पल पार्क काँचको विशाल भवन हो । नर्मन फोस्टरले यसको डिजाइन गरेका हुन् । यो भवनको काँचमा पारदर्शीपन तथा चमक ल्याउनका लागि काँचलाई विशेष टि्रटमेन्ट गरिएको छ । यो भवनको लागत झण्डै ५ अर्ब डलर रहेको छ । स्टिभ जब्सले यो कार्यालय भवनको प्रसंसा गर्दै यसलाई विश्वको सर्वोत्तम कार्यालय भवन भनेका थिए । अनलाइनखबरको सहयोगमा

प्रतिकृया दिनुहोस

के गर्न पाइँदैन सामाजिक सञ्जालमा ? १५ वर्ष जेल हाल्ने साइबर कानून आउँदै,

२ माघ, काठमाडौं सामाजिक सञ्जालको दुरुपयोग गर्नेहरुमाथि कठोर कारवाहीको माग भइरहेका बेला सरकारले नयाँ कानुनको मस्यौदा तयार पारेको छ । संघीय संसदमा

सावधान ! यी हुन् सबैभन्दा कमजोर पासवर्ड

यो वर्ष सन् २०१८ मा सबैभन्दा धेरै ह्याक भएका वा सर्वाधिक कमजोर पासवर्डको खुलासा भएको छ । साइबर सेक्योरिटी फर्म स्प्लास डाटाले यसको खुलासा गरेको हो

विश्वभर निःशुल्क वाईफाई

चीनको एक कम्पनीले निकट भविष्यमै अन्तरीक्षमा आफ्नो स्याटेलाइट प्रक्षेपण गर्नेछ, जसले पूरै विश्वभर निःशुल्क वाईफाई सेवा उपलब्ध गराउने लक्ष्य लिएको छ