• २०७५-७-५ , सोमबार/ Monday 10-22-18
  • 06:10:04

बलात्कारका घटना कम गर्न सहयोगीको स्कुल अभियान


३ असोज, नवलपरासी

देशभर बलत्कारका घटना बढिरहेको भन्दै नवलपरासीमा सहयोगी यूथ क्लवले स्कुल स्कुलमा अभिमुखीकर कार्यक्रम सुरु गरेको छ । यूथले पहिलो चरणमा सामुदायिक विद्यालयमा लक्षित गरी अभिमुखीकरण कार्यक्रम सुरु गरेको क्लबका संयोजक किरण बस्यालले बताएका छन् । 

 

सहयोगी यूथले विगतका बर्षहरुमा पनि विद्यालय स्तरमा लागुपदार्थ दुब्र्यसनी र सामाजीक संजालको प्रयोगको बारेमा विद्यालयहरुमा सचेतना कार्यक्रम संचालन गर्दै आईरहेको छ । पछिल्लो समय देशभर बलात्कारका घटना बढिरहेको र यसबाट बालिकाहरु समेत सुरक्षित नभएको भन्दै स्कुल स्तरबाटै बालिकाहरुका लागि सचेत र चनाखो बनाउनका लागि अभियानको थालनी गरिएको संयोजक बस्यालले बताए । 

 

पछिल्लो समय सामाजीक संजालको माध्यम बाट पनि बालबालिका तथा महिलाहरु बलात्कासको सिकार हुदै आएकोले सामाजीक संजाल प्रयोग गर्दा सम्बेदनसिल हुनुपर्ने भन्दै क्लवले सामाजीक संजालको प्रयोग कसरी गर्ने भन्ने विषयमा पनि स्कुल स्तरबाटै विद्यार्थीहरुलाई सचेत गराउदै आएको छ ।  

 

यूथले स्कुल स्कुलमा पुगेर विद्यार्थीहरुलाई अभिमुखीकरण गराउदै आईरहेको छ । अभियान सुरु भए संगै बर्दघाट नगरपालिका वडा नम्बर ४ मा रहेको दाउन्नेदेवी माध्यामिक विद्यालय र वडा नम्बर १० मा रहेको ज्ञानज्योती माध्यामिक विद्यालयमा कार्यक्रम सम्पन्न गरिसकेको छ । दाउन्नेदेवीमा १सय ५० जना विद्यार्थीहरु सहभागि भएका थिए भने ज्ञानज्योतीमा १ सय जना विद्यार्थीले सहभागिता जनाएका थिए । 

 

क्लबको तर्फबाट किरण बस्याल, सोभा सापकोटा, रमेश रेग्मी , प्रिम्स पाण्डे ,संकेत पाण्डे लगायतले कक्षाकोठामै पुगेर विद्यार्थीहरुलाई अभिमुखीकरण गर्दै आईरहेका छन् । यूथले स्व स्फुर्त रुपमा आफुहरुलेनै खाजा खर्च कटाएर जम्मा गरेको रकम खर्च गरेर सामाजीक क्षेत्रमा काम गर्दै आईरहेको छ । समाजीक क्षेत्रमा आफुहरुले निरन्तर काम गरिरहदा कुनैपनि निकायले आफुहरुलाई सहयोग नगरेको संयोजक बस्यालले बताए । संघसंस्थाहरुको सहयोग पाए आगामी दिनमा अझै प्रभावकारी रुपमा काम गर्न सकिने बस्यालको भनाई छ । 

 

यूथले आगामी दिनमा पनि अभियानलाई निरन्तरता दिदै जाने र थप नया कार्यक्रम संचालन गर्ने तयारीमा रहेको सह संयोजक सोभा सापकोटाले बताएकी छन् । सहयोगी यूथको संचार सहयात्रीको रुपमा दौतरी एफ एम १०५.८ मेगाहर्ज रहदै आएको छ ।

प्रतिकृया दिनुहोस

बिद्यालय अाँखा स्वास्थ कार्यक्रम सम्पन्न

उमेश वि.क २ असाेज, सरावल  नवलपरासीको सरावल गाउँपालिका २ मा अवस्थित जनता मा.बि मनरीकाे प्रांगणमा अाज निशुल्क बिद्यालय अाँखा स्वास्थ कार्यक्रम

लिटिलबुद्धमा निशुल्क दन्त शिविर

२ असोज, नवलपरासी गोपिगञ्जमा रहेको लिटिलबुद्ध ईङ्गलिस स्कुलले आफ्ना विद्यार्थी र अभिभावकहरुलाई लक्षित गरी दन्त परिक्षण शिविर सम्पन्न गरेको छ ।

जीसनको नेपाली भाषा शिक्षणमा प्रभावकारीताको खोजी तथा सिर्जनात्मक लेखन कार्यशाला

३१  भदौ नवलपरासी शैक्षिक एक्यवद्धताको समुह नेपाल जिसन नवलपरासीले नेपाली भाषा शिक्षणमा प्रभावकारीताको खोजी तथा सिर्जनात्मक लेखन कार्यशाला