• २०७५-७-५ , सोमबार/ Monday 10-22-18
  • 06:10:39

प्रदेश ५ मा करार खेती कार्यक्रम, भूमिहीनलाई निःशुल्क जग्गा

२१ असोज, बुटवल

प्रदेश ५ सरकारले भूमिहीन सुकुम्वासीहरुलाई निःशुल्क जग्गा दिएर खेती गराउने तयारी थालेको छ । कृषि पेशा अपनाउन इच्छुक तर आफ्नो जग्गा नभएका भूमिहीन नागरिकलाई लक्षित गरी प्रदेश सरकारले करार खेती कार्यक्रम ल्याएको हो । प्रदेश ५ सरकारको यो कार्यक्रम नौलो र भूमिहीनमैत्री भएकाले यसप्रति भूमिहीनहरु र भूमिहीन सम्वद्ध संघसंगठन सकारात्मक भई करार खेतीका लागि सम्पर्कमा आइरहेको भूमि व्यवस्था, कृषि तथा सहकारी मन्त्री आरती पौडेलले बताइन् । ‘बर्दिया र दाङका भूमिहीनहरु यो कार्यक्रममा सहभागी हुन सम्पर्कमा आइसकेका छन्,’ मन्त्री पौडेलले भनिन्, ‘यो कार्यक्रमबाट भूमिहीन त लाभान्वित हुने नै भए, जग्गाधनीले पनि उचित भाडा प्राप्त गर्नेछन् ।’

 

खेती नगरी बाँझै बसेका जग्गा पहिचान गरी त्यस्ता जग्गाका धनीसँग स्थानीय पालिकाहरुको रोहबरमा जग्गा भाडा सम्झौता गरी भूमिहीनलाई खाद्यान्न वा तरकारी, फलफूल खेती गर्न लगाइने छ । यसलाई करार खेती प्रणाली भनिएको हो । प्रदेश सरकारले जग्गा बाँझो नराख्ने, कृषि उत्पादन बढाउने र भूमिहीनलाई कृषि कार्यमा संलग्न गराउने उद्देश्यसहित यो कार्यक्रमको अवधारणा ल्याएको हो । यो कार्यक्रममा आफ्नो नाममा जग्गै नभएका भूमिहीन र तीन कठ्ठा वा सोभन्दा कम जग्गा भएका किसान सहभागी हुन पाउने छन् । भूमिहीन र तीन कठ्ठासम्म मात्र जग्गा भएको स्थानीय पालिकाले प्रमाणित गरेपछि उनीहरु करार खेती कार्यक्रममा सहभागी हुन पाउने गरी कार्यविधि बनाइएको र कार्यान्वयनमा जाने तयारी अन्तिम चरणमा पुगेको भूमि व्यवस्था, कृषि तथा सहकारी मन्त्रालयका सचिव यमनारायण देवकोटाले जानकारी दिए । यो कार्यक्रमका लागि सरकारले पहिलो वर्षका लागि १० करोड बजेट छुट्टाएको छ । यो बजेटबाट कम्तीमा २ हजार बिघामा करार खेती गराउन सकिने अनुमान गरिएको सचिव देवकोटाले बताए । ( अनलाइन खबर बाट )

प्रतिकृया दिनुहोस

नवलपरासी बस दुर्घटना अपडेटः मृतकको संख्या ६ पुग्यो

२ असोज  नवलपरासी पूर्वी नवलपरासीको मध्यविन्दु ११ बाहुनीकुनामा भएको बस दुर्घटनामा परि मृत्यु हुनेको संख्या ६ पुगेको छ । ईटहरी बाट भैरहवाका लागि

नवलपरासी बस दुर्घटना अपडेट : घाइतेको संख्या ५१ पुग्यो मृतकको सनाखत हुन बांकी

२ असोज नवलपरासी पूवी नवलपरासीको मध्यविन्दु ११ बाहुनीकुनामा भएको बस दुर्घटनामा परि घाईते हुनेको संख्या ५१ पुगेको छ । मृत्यु भएका ५ जनाको अझै सनाखत

पूर्वी नवलपरासीमा बस दुर्घटना ५ जनाको मृत्यु

३ असोज नवलपरासी पूर्वी नवलपरासीको मध्यविन्दु ११ बाहुनीकुनामा बस दुर्घटना हुंदा ५ जनाको घटनास्थलमै मृत्यु भएको छ भने कम्तीमा ३९ जना घाईते भएका छन् ।