• २०७५-८-२६ , बुधबार/ Wednesday 12-12-18
  • 01:12:47

डान्स नेपाल डान्स’ रियालिटी शोको नाममा ठगी, विजेताले पाएनन् पुरस्कार

१ चैत्र, काठमाडौं 

‘डान्स नेपाल डान्स’ नामक टेलिभिजन रियालिटी शोका पहिलो र दोस्रो सिजनका विजेताहरुले अझै पुरस्कार नपाएको खुलेको छ । एक राष्ट्रिय टेलिभिजनबाट प्रशारण भएको रियालिटी शोको पहिलो सिजनमा प्रथम हुनेलाई १ लाख, दोस्रो सिजनमा साढे दुई लाख, दोस्रो हुनेलाई ५० हजार र तेस्रो हुनेलाई १८ हजार नगद पुरस्कारसहित विभिन्न ठाउँमा जागिर लगाइदिने बताइए पनि विजेताहरुले अहिलेसम्म पनि पुरस्कार नपाएको खुलेको हो ।  विजेताहरुलाई पुरस्कार नदिइ आयोजक सम्पर्कविहीन भएपछि उनीहरुले महानगरीय अपराध अनुसन्धान महाशाखामा उजुरी दिएका छन् ।

सोही आधारमा आयोजक भी एण्ड भाइरस डान्स एकेडेमीका सञ्चालक काठमाडौं–४, धुम्बाराहीका विक्रम अछामीलाई पक्राउ परेका छन् ।
उनलाई बुधबार बागबजारबाट पक्राउ गरी थप अनुसन्धान थालिएको हो ।

यो रियालिटी शोको पहिलो सिजन २७ जेठ ०६८ बाट र दोस्रो सिजन २६ साउन ०७३ बाट सुरु भएको थियो । प्रहरीका अनुसार पहिलो सिजनमा ३ सय जनाले कार्यक्रममा सहभागी हुन आवेदन दिएका थिए भने दोस्रो सिजनमा ४ सय जनाले आवेदन दिएका थिए ।

अनुसन्धानका क्रममा आयोजकले एसएमएस भोटिङको बहानामा लाखौं रुपैयाँ असुलेको पनि खुलेको छ ।

महाशाखाका प्रवक्ता नरेन्द्रप्रसाद उप्रेतीका अनुसार पक्राउ परेका अछामीले तेस्रो सिजनको अडिसनका लागि भन्दै काठमाडौंका विभिन्न विद्यालयहरुमा फारम वितरण गरी रकम असुली गरेको समेत भेटिएको छ ।

उनले कार्यक्रम सञ्चालकका लागि पार्टनरसिप गर्ने भन्दै विभिन्न व्यक्तिसँग पनि लाखौं रुपैयाँ लिएको प्रहरीको भनाइ छ । हालसम्म १५ जना पीडित प्रहरी समक्ष पुगेका छन् ।

 

अनलाइनखबर

प्रतिकृया दिनुहोस

अमित बराललाई नवलपरासीमा भब्य सम्मान गरिने

नारायण भण्डारी नवलपरासी मंसिर २६ नेपाल आईडल सिजन टु का उत्कृष्ट पांच प्रतिस्पर्धी बनेका अमित बराललाई आज नवलपरासीमा भब्य सम्मान गरिने भएको छ । अमित

धोकेबाज प्रेमिकाको सम्झनामा रोए कृष्ण

  नारायण भण्डारी नवलपरासी मंसिर २४ बैदेशिक रोजगारको शिलसिलामा दक्षिण कोरिया गएका गुल्मी अस्लेवाका कृष्ण पाण्डे क्षेत्री  प्रमिकाले धोका

अमितको सफलतामा नवलपरासीमा खुसियाली

नारायण भण्डारी नवलपरासी मंसिर १२ नेपाल आईडलको उत्कृष्ट ६ मा अमित बरालले आफ्नो स्थान सुरक्षित गरेपछि अहिले नवलपरासीबासीमा खुसीयाली छाएको छ । अमितले