• २०७५-८-२६ , बुधबार/ Wednesday 12-12-18
  • 01:12:50

रामग्राममा दुई करोड बजेट

मोहन पौडेल

परासी, बैशाख ४ 

पछिल्लो समय लुम्बिनी विकास कोषले रामग्राम स्तुप क्षेत्रमा चासो देखाउन थालेको छ । नवलपरासीका सर्वसाधरण, जनप्रतिनिधि, प्रशासन, सञ्चारकर्मी लगायतले लामो समय देखि झक्झकाईरहेका बेला लुम्बिनी विकास कोषले अहिले रामग्राममा चासो देखाएको पाईएको छ । कोषले अहिले तत्कालका लागि रु दुई करोड बजेट विनियोजन गरेर विकासको काम थालेको छ । जसमध्य रु एक करोड जग्गा अधिग्रहणका लािग छुट्याईएको छ भने रु एक करोड स्तुप क्षेत्रमा पैदलपथ बनाउन विनियोजन गरिएको लुम्बिनी विकास कोषका कार्यकारी सदस्य राजेश ज्ञवालीले जानकारी दिनुभयो । अहिले रामग्राम स्तुपमा रंगरोगन, सरसफाई लगायतका काम भईरहेको पनि उहाँले बताउनुभयो ।  जग्गा अधिग्रहणका लागि बुद्धजयन्ती पछि प्रमुख जिल्ला अधिकारी, नगरपालिकाका मेयर, जनप्रतिनिधि, नापी, मालपोत कार्यालय लगायतका सरोकारवालाहरुसँग बैठक गरी प्रक्रिया थालिने पनि उहाँले बताउनुभयो । यसैगरी स्तुप क्षेत्रको वरपर घुम्नका लागि पैदलयात्री हिँड्ने फुटट्रयाक बनाउन टेण्डर स्वीकृति भईसकेको र अव छिट्टै काम थालिने पनि कोषका सदस्य ज्ञवालीले बताउनुभयो ।  लुम्बिनी विकास कोषले यसपटक रामग्राम स्तुपमा बुद्धजयन्ती मनाउने गरी तयारी पनि गरिरहेको जनाएको छ । कोषका प्रशासकीय अधिकृत चुडामणी भटराईका अनुसार वैशाख १५ गते देवदह, १६ गते रामग्राम र १७ गते लुम्बिनी तथा १८ गते कपिलवस्तु तिलौराकोटमा बुद्धजयन्ती मनाउने गरी तयारी भईरहेको छ । लुम्बिनी विकास कोषले वेवास्ता गर्दै आएको रामग्राममा पछिल्लो समय देखाईरहेको चासोलाई सकरात्मक नै लिईएको जिल्ला समन्वय समितिका प्रमुख शिवशंकर रायले बताउनुभएको छ ।

प्रतिकृया दिनुहोस

नेपालका गैंडा भारतमा अलपत्र 

नवलपरासी मंसिर २५ नारायणीको बाढिमा बगेर भारतिय क्षेत्रमा पुगेका चितवन राष्ट्रिय निकुञ्जका ३ वटा गैंडा अलपत्र अबस्थामा रहेका छन् । भारत पुगेका

नवलपुरमा स्कुटी दुर्घटना, प्रदेश सांसदका छोराको मृत्यु

ज्ञानु पंगेनी १९ मंसिर ,नवलपुर  नवलपरासी पूर्वको देवचुली नगरपालिका १५ प्रगतीनगर अन्र्तगत पूर्व पश्चिम रार्जमागमा मंगलवार राती भएको सवारी

जनशक्ति र बजेटको तालमेल हुन आवश्यक : मन्त्री चौधरी

प्रमोद अर्याल १८ मंसिर,नवलपरासी जनशक्ति र बजेटको तालमेल हुन नसके आयोजनाका दस्तावेजहरु कोरा कागजका रुपमा मात्रै सिमित हुने प्रदेश नम्बर ५ का भौतिक