• २०७५-१०-६ , आइतबार/ Sunday 01-20-19
  • 07:01:41

नौ महिनामै १२ अर्ब कमायो टेलिकमले

३० वैशाख, काठमाडौं

नेपाल टेलिकमले चालू आर्थिक वर्ष -आव) को ९ महिनामा ११ अर्ब ८५ करोड ६४ लाख रुपैयाँ खुद मुनाफा गरेको छ । कम्पनीद्धारा हालै प्रकाशित अपरिष्कृत वित्तीय विवरण अनुसार टेलिकमको नाफा गत वर्षको सोही अवधिको भन्दा चार दशमलव ७२ प्रतिशतले बढी हो । गत आवको नौ महिनामा टेलिकमको नाफा ११ अर्ब ३२ करोड १८ लाख रुपैयाँ थियो । वित्तीय विवरण अनुसार सो अवधिमा कम्पनीले ३३ अर्ब ८५ करोड ३२ लाख ७० हजार रुपैयाँ आम्दानी गरेको छ । यो गत वर्षको समान अवधिको तुलनामा ३ प्रतिशतले बढी हो । कम्पनीले सेवा बिक्रीबाट २९ अर्ब ३९ करोड २१ ल्ााख रुपैयाँ र अन्यबाट ४ अर्ब ४६ करोड ११ लाख आम्दानी गरेको छ । यससँर्ग कम्पनीको चुक्ता पुँजी १५ अर्ब रुपैयाँ पुगेको छ । जगेडा कोषमा ७९ अर्ब ६९ करोड ५ लाख रुपैयाँ रहेको छ । हाल कम्पनीको प्रतिसेयर आम्दानी १०५.३९ रुपैयाँ छ । हाल सेवाग्राहीको चाहना भ्वाइस भन्दा डाटा सेवातिर बढिरहेको देखिएको कम्पनीको भनाइ छ । वैदेशिक रोजगारीमा जाने नेपालीको संख्या घट्दै जाँदा र भाइबर, स्काइप, म्यासेन्जर जस्ता ‘ओटीटी’ सेवाको प्रभावका कारण अन्तर्राष्ट्रिय कलबाट हुने आम्दानी घटिरहेको टेलिकमले जनाएको छ । आगामी दिनमा आर्थिक अवस्था मजबुत बनाउनका लागि डाटा सेवा व्यापक रुपमा विस्तार गर्न फाइवर टु दि होम -एफटीटीएच) फोरजी सेवाको विस्तार लगायतका कार्यक्रम अघि बढाइएको कम्पनीले बताएको छ । (अनलाइनखबर)

प्रतिकृया दिनुहोस

के गर्न पाइँदैन सामाजिक सञ्जालमा ? १५ वर्ष जेल हाल्ने साइबर कानून आउँदै,

२ माघ, काठमाडौं सामाजिक सञ्जालको दुरुपयोग गर्नेहरुमाथि कठोर कारवाहीको माग भइरहेका बेला सरकारले नयाँ कानुनको मस्यौदा तयार पारेको छ । संघीय संसदमा

सावधान ! यी हुन् सबैभन्दा कमजोर पासवर्ड

यो वर्ष सन् २०१८ मा सबैभन्दा धेरै ह्याक भएका वा सर्वाधिक कमजोर पासवर्डको खुलासा भएको छ । साइबर सेक्योरिटी फर्म स्प्लास डाटाले यसको खुलासा गरेको हो

विश्वभर निःशुल्क वाईफाई

चीनको एक कम्पनीले निकट भविष्यमै अन्तरीक्षमा आफ्नो स्याटेलाइट प्रक्षेपण गर्नेछ, जसले पूरै विश्वभर निःशुल्क वाईफाई सेवा उपलब्ध गराउने लक्ष्य लिएको छ