• २०७५-१०-६ , आइतबार/ Sunday 01-20-19
  • 07:01:13

रुपन्देहीमा बाबुलाई गोली हानेर छोरा फरार !

टोपराज शर्मा

३ जेठ, बुटवल

रुपन्देहीको मणिग्राममा बुधबार साँझ गोली प्रहारबाट घाइते भएका रामकेश धबलको बिहीबार उपचारको क्रममा मृत्यु भएको छ । भैरहवाको युनिभर्सल कलेज अफ मेडिकल साइन्समा उपचारको क्रममा बिहीबार ४१ वर्षीय धबलको मृत्यु भएको हो । प्रहरीको प्रारम्भिक अनुसन्धानले घटनामा मृतक धवलकै २० वर्षीय छोरा सन्दिप धवलको संलग्नता रहेको देखाएको छ । पारिवारिक विवादका कारण छोराले नै गोली प्रहार गरेको हुन सक्ने आशंका गरिएको छ । छोरा सन्दिप अहिले फरार छन् । उनको खोजी भइरहेको प्रहरी बताउँछ । यसैबीच, मृतकका दाजुले घटनामा मृतकका छोरा सन्दिपको संलग्नता रहेको भन्दै जिल्ला प्रहरी कार्यालय, रुपन्देहीमा किटानी जाहेरी दिएका छन् । ‘परिवारबाटै किटानी जाहेरी परेपछि हाम्रो आशंका थप बलियो भएको छ’, रुपन्देही प्रहरीका एक अधिकारीले भने, ‘विस्तृत अनुसन्धान गरिरहेका छौं । छिट्टै सार्वजनिक गर्छाैं ।’

घटनामा प्रयोग भएको मोटरसाइकल विमानस्थलमा भेटियो

प्रहरीले घटनामा प्रयोग भएको भारतीय नम्बर प्लेटको मोरसाइकल भैरहवा विमानस्थल नजिक फेला परेको छ । गोली हान्ने व्यक्तिको खोजीका क्रममा यूपी ५६एक्स ७४९० नम्बरको भारतीय नम्बर प्लेटको मोटरसाइकल भेटिएको हो । मोटरसाइकलसँगै भेटिएको झोलामा गोली हान्ने व्यक्तिले लगाएको सेतो सर्ट र नीलो पाइन्ट पनि फेला परेको रुपन्देही प्रहरीका प्रहरी नायब उपरीक्षक (डिएसपी) डिल्ली नारायण पाण्डेले अनलाइनखबरलाई बताए । गोली हानेर कपडा फेरेर अभियुक्त भागेको हुन सक्ने प्रहरीको आशंका गरेको छ । गोली हान्ने व्यक्ति भारततिर भागेको आशंका गरिएको छ । (अनलाइनखबर बाट )

प्रतिकृया दिनुहोस

मृत भेटिएकी कमलाको आफ्नै श्रीमानले हत्या गरेको खुलासा 

नवलपरासी पुस २० पश्चिम नवलपरासीको बर्दघाट नगरपालिका वडा नमबर २ की कमला थरुनी गत पुस ४ गते श्रीमान संगै जंगलमा घासदाउरा खोज्न गएको समयमा जंगलबाटै

माघबाटै नारायणगढ-बुटवल सडक विस्तारको काम

१७ पुस, काठमाडौं नारायणगढ-बुटवल सडकखण्ड चार लेनमा विस्तार गर्ने काम माघको पहिलो हप्ताबाटै सुरु हुने भएको छ । काम सुरु गर्नका लागि पुसको अन्तिम साता

प्रदेश ५ को सहकारी विधेयकमा कांग्रेसको १० बुँदे संशोधन

१६ पुस, बुटवल प्रदेशसभा ५ मा पेश गरेको प्रदेशका सहकारी सम्बन्धमा ब्यवस्था गर्न बनेको विधेयकमा प्रमुख प्रतिपक्षी दल कांग्रेसले १० बुँदे संशोधन दर्ता