• २०७५-६-१० , बुधबार/ Wednesday 09-26-18
  • 09:09:23

राष्ट्रकविको स्वास्थ्यमा सुधार

११ जेष्ठ,नयाँदिल्ली

सानो आन्द्राको आन्तरिक रक्तस्राव नरोकिएपछि थप उपचारका लागि भारतको नयाँदिल्ली ल्याइएका राष्ट्रकवि माधव घिमिरेको स्वास्थ्यमा सुधार देखिएको छ । बुधबार साँझ ६ बजे जेट एयरवेजको विमानबाट नयाँदिल्ली ल्याइएका घिमिरेलाई नयाँदिल्लीको गुडगावँस्थित मेदान्त अस्पतालको ११ औं तलाको ५१३२ नम्बरको हाइकेयर युनिटमा भर्ना गरिएको छ । घिमिरेलाई एयरपोर्टबाट सोझै मेदान्त पुर्‍याइएको थियो । भर्नालगत्तै उनको स्वास्थ्य परीक्षण पनि सुरु गरिएको छोरा इन्दिबरले बताए । बुधबार राति करिब १२ बजे बसेको चिकित्सकहरूको आपतकालीन बैठकले रक्तस्राव कहाँबाट भइरहेछ भन्ने पत्ता लगाउन इन्डोस्कोपी, कोलोनोस्कोपी र क्याप्सुल इन्डोस्कोपी गर्ने निर्णय गरेको थियो । त्यसका लागि नाकबाट पाइप छिराएर पेट र आन्द्रा सफा गर्ने प्रक्रिया सुरु गरिएको थियो । बिहीबार दिउँसो गरिएको इन्डोस्कोपीमा सानो आन्द्रामा दुई ठाउँमा देखिएका सामान्य ‘स्क्र्याच’ लाई लेजर प्रविधिबाट डामिएको घिमिरेका छोरा इन्दिबरले जानकारी दिए । त्यसपछि दुई सातादेखि भइरहेको रक्तस्राव पनि रोकिएको छ । ‘स्वास्थ्यमा सुधार देखिएको छ, लेजरपछि दिसा पनि सामान्य भएको छ,’ इन्दिबरले भने । यसैगरी क्याप्सुल इन्डोस्कोपीबाट प्राप्त हुने तस्बिरलाई केलाएपछि थप अनुसन्धान र परीक्षण गर्नुपर्ने वा नपर्ने यकिन गरिनेछ,’ चिकित्सकलाई उद्धृत गर्दै उनले बताए ।

‘छिट्टै निको भएर फर्कन्छु’
राष्ट्रकविले आफू निको हुनेमा ढुक्क रहेको बताएका छन् । घिमिरेका छोरा इन्दिबरले राष्ट्रकविलाई उद्धृत गर्दै भने, ‘बुबा ढुक्क हुनुहुन्छ, नेपालीसमेत थप उपचारका लागि आउने यति ठूलो अस्पतालमा आफ्नो समस्या पहिचान हुन्छ र आफू निको भएर फर्कन्छु भन्नुभएको छ ।’उच्च रक्तचाप र दिसामा रगत देखा पर्ने समस्याका कारण दुई सातादेखि घिमिरेको काठमाडौंको धापासीस्थित ग्रान्डी अस्पतालमा उपचार हुँदै आएको थियो । तर, सानो आन्द्राबाट नियमित रक्तस्राव हुने ठाउँ पत्ता नलागेकाले चिकित्सकले थप उपचारका लागि भारत लैजान सुझाव दिएका थिए । ९९ वर्षीय राष्ट्रकवि घिमिरेको उपचारको सम्पूर्ण खर्च सरकारले बेहोर्ने निर्णय गरिसकेको छ ।

प्रविधि मुलुकमै उपलब्ध : नर्भिक
काठमाडौं (कास)– नर्भिक हस्पिटलले राष्ट्रकवि माधव घिमिरेको उपचारका लागि आवश्यक प्रविधि मुलुकमै उपलब्ध रहेको जनाएको छ । बिहीबार विज्ञप्ति जारी गरी नर्भिकले घिमिरेको उपचारका लागि आवश्यक प्रविधि मुलुकमै उपलब्ध नभएको र त्यससम्बन्धी विशेषज्ञसमेत नेपालमा अप्राप्य रहेको भन्दै सरकारी खर्चमै उपचारका लागि भारत लगिएको तर उपचार प्रविधि र विशेषज्ञ मुलुकमा उपलब्ध छैन भन्नु सत्य नरहेको जनाएको छ ।नर्भिकले तीन वर्षदेखि नै इन्टेरोस्कोपी प्रविधिको सफलतम प्रयोग गर्दै आएको जनाएको छ । यस्ताखाले चिकित्सा समस्याको उपचारका लागि कुनै पनि नेपालीले विदेश धाउनुपर्ने अवस्था र बाध्यता नरहेको नर्भिकका वरिष्ठ चिकित्सक तथा पेटरोग विशेषज्ञ डा. मधु घिमिरेले बताए । नर्भिकले यस घटनाले विगतमा तत्कालीन राष्ट्रपतिलाई मुलुकमा कोलोनोस्कोपी प्रविधि नभएको भन्दै जापान पठाइएको घटनालाई स्मरण गराएको समेत उल्लेख गरेको छ । (कान्तिपुर बाट )

प्रतिकृया दिनुहोस

नेपाली फिल्मकाे हिसाब खुल्ला

१ श्रावण,काठमाडाैं  मंगलबारदेखि काठमाडौं उपत्यकाका फिल्म हलमा बक्स अफिस सिस्टम लागू हुने भएको छ । तत्काल उपत्यकाका २० हलमा लागू हुनेछ । योसँगै

तंग्रिएर घर फर्किँदै राष्ट्रकवि

१९ जेठ, काठमार्डौं राष्ट्रकवि माधवप्रसाद घिमिरे उपचारपछि घर फर्किँदै छन् । भारतको नयाँदिल्लीस्थित मेदान्त अस्पतालमा उपचार गराई स्वस्थ्य भएपछि

गजल

राधा के सी, गुल्मी (2075/01/28)   दौरा सुरवाल गुन्युचोली,लाउनै छाडे आजभोली घाँस काट्न बनजंगल,धाउनै छाडे आजभोली   सालै जो र यानीमाया,गाउंथे अरे बाउ